Mai i te tauihu ko Moehau, tae atu ki te taurapa ko Te Aroha. Ka tārehua i waenganui ko te puke o Raka. E mihi ana ki te whenua, e tangi ana ki te tangata Tīhei Mauriora! Ko Moehau te Maunga Ko Waihou te Awa Ko Tīkapa te Moana Ko Hauraki te Whenua Ko Tamaterā te Tupuna Tīhei Mauri Ora! E mihi atu nei ki a tātou katoa e noho mai na i ngā tōpito e whā o te motu. Mai i Te Hiku-o-Te Ika, tae rawa atu ki Murihiku i Te Waka-o-Aoraki, tēnā koutou katoa. Otiia, ko ngā mate e hinga mai nā, e hinga atu rā, mai i a Mahurangi ki ngā Kurī a Whārei, otiia puta atu ki te motu whānui, haere, okioki, moe mai rā. Ko tātou te hunga ora ki a tātou, e mihi atu nei, e tangi atu nei. Tēnā koutou, tēnā koutou, tēnā tātou katoa.